Viðmið

Viðmið fyrir inngöngu í Kennsluakademíu opinberu háskólanna eru byggð á viðmiðum annarra norrænna háskóla, sérstaklega háskólunum í Lundi og Bergen. 

Við mat á umsóknum er höfuðáhersla lögð á fyrsta viðmiðið um nemendamiðaða kennslu.

Útgangspunktur er önnur viðmið eru metin snýr að því hvort að þau sýni fram á nemendamiðaðan hugsunarhátt.  

Kennsluakademían yfirfer viðmiðin og lagar að íslenskum aðstæðum áður en aftur verður tekið inn í akademíuna:

1. Nemendamiðuð kennsla

• Kennsla umsækjenda byggist á skýrri kennslusýn og þekkingu á því hvernig nemendur læra
• Umsækjendur sýna skýrt fram á nemendamiðaða nálgun, þeir setja nám nemenda í forgang með að skapa námsumhverfi sem stuðlar að gagnkvæmu trausti
• Samskipti umsækjanda við nemendur sína byggja á trausti, hann leitar eftir endurgjöf frá nemendum og bregst við henni á uppbyggilegan máta

2. Fagþekking – færni til þess að setja fagþekkingu fram í samhengi náms og kennslu

• Tengsl á milli hæfniviðmiða, kennlsuaðferða og námsmats og þess hvernig nemendur læra koma skýrt fram í kennslu og kennsluþróun umsækjenda
• Umsækjandi notar viðurkenndar leiðir innan þess fræðasviðs sem þeir tilheyra til þess að styðja nemendur við að takast á við sífellt flóknari verkefni og nýta þekkingu sína
• Námsefni og kennsluaðferðir eru í samræmi við markmið námskeiðsins, námskrá og nýjustu þekkingu

3. Skýr kennsluþróun til framtíðar – fagmennska í kennslu

• Umsækjandi sýnir fram á námsvilja/lærdómshugsun og hefur markvisst og af krafti unnið að því að bæta eigin kennslu, bæði hvað varðar efni, framsetningu og nýsköpun í kennsluháttum.

4. Samstarfsvilji og samvinna-Virkur þátttakandi í samtali um nám og kennslu

• Umsækjandi aflar sér, skapar og deilir þekkingu á námi og kennslu á sínu sviði. 
• Umsækjandi vinnur með öðrum kennurum eða fagaðilum í kennsluþróun og þróun kennsluhátta. 
• Umsækjandi tekur virkan þátt í umræðum um kennslu og deilir kennslufræðilegri reynslu sinni, til að mynda í gegnum óformlegt samtal, vinnuhópa, vinnustofur og ráðstefnur og með birtingum.