Ráðstefna akademíunnar var haldin 22.nóvember 2024, kl:9-16:00 í Veröld-húsi Vigdísar.
Sjá ágrip og dagskrá hér að neðan.
The conference was held in Icelandic but some abstracts and talks were in English. See below under: „Efni frá ráðstefnu 2024“
________________________________________________________________
Titill ráðstefnu árið 2024: Til móts við nýja kynslóð – að mæta þörfum háskólanema nútímans.
Markmið Kennsluakademíunnar er að skapa vettvang fyrir umræðu um háskólakennslu. Gestgjafi ráðstefnunnar í ár er Félagsvísindasvið Háskóla Íslands.
Þema ráðstefnunnar er hvernig megi brúa bilið á milli framhaldsskóla og háskóla og ígrunda hvernig hægt er að koma til móts við nútímanemandann í háskóla.
Eitt af aðalverkefnum Kennsluakademíunnar er árleg ráðstefna sem ferðast á milli sviða opinberu háskólanna á Íslandi. Markmið ráðstefnunnar er að veita hverri einingu þannig tækifæri til að halda kennslu á lofti og skapa rými fyrir sitt fólk til að mynda umræðu um kennslu á háskólastigi.
©Kristinn Ingvarsson
Dagskrá:
- 9:30-10:00 Kaffi og skráning
- 10:00-10:10 Ávarp stjórnar Kennsluakademíu opinberu háskólanna
- 10:20-12:00 Málstofur
- 12:00-13:00 Léttur hádegisverður
- 13:00-14:15 Aðalfyrirlestrar og pallborðsumræður
- 14:15-14:30 Kaffihlé
- 14:30-16:00 Vinnustofur
- 16:00-17:00 Móttaka með léttum veitingum
- Opin vísindi – opin kennsla? – Benedikt Steinar Magnússon
- Using Embodied Critical Thinking (ECT) in environmental education to help with emotionally challenging topics and diverse student backgrounds – Ole Martin Sandberg
- Gæði háskólanáms: Aðstæðubundinn skilningur – (sjá glærur) – Ragný Þóra Guðjohnsen
Endurskoðun kennsluhátta í námskeiðum/námsleiðum:
- Safnafræði: Úr staðnámi í fjarnám – Guðrún D. Whitehead
- Á að gefa einkunn fyrir heimadæmi? – Hvað segja kennarar? – Ásdís Helgadóttir og Guðrún Geirsdóttir
- Hvernig á að undirbúa nýja starfsgreinakennara í framhaldsskólum? – Elsa Eiríksdóttir
- Uppskeran – netmálstofur nemenda – Ingileif Ástvaldsdóttir
- The Educational Potential of Collaborative Online International Learning (COIL) for Middle East Studies Pedagogy – Carmen Fulco
- Online Journal Club as a venue for learning and assessment – Jette Jörgensen
Aðalfyrirlestrar voru eftirfarandi:
- Hagnýting myndandi mállíkana við dæma- og prófagerð – Hafsteinn Einarsson, lektor við Verkfræði- og náttúruvísindasvið Háskóla Íslands
- Gervigreind og háskólanám: Ný siðferðileg áskorun? – Henry Alexander Henrysson, ráðgjafi og sérfræðingur á sviði siðfræði
- Gervigreind í námi – María Rós Kaldalóns, nemi í hugbúnaðarverkfræði við Háskóla Íslands.
Auk aðalfyrirlesara, tóku þátt í pallborðsumræðum: Katrín R. Frímannsdóttir, stefnu- og gæðastjóri Háskóla Íslands, og Rebekka Karlsdóttir, forseti Stúdentaráðs Háskóla Íslands.
Ásdís Helgadóttir, dósent við Verkfræði- og náttúruvísindasvið Háskóla Íslands, stýrði pallborðsumræðunum.
Með Bjarnheiði Kristinsdóttur, lektor í stærðfræði og stærðfræðimenntun
Í þessari vinnusmiðju fá þátttakendur að kynnast nokkrum af þeim 14 aðferðum sem Peter Liljedahl og félagar við Simon Fraser háskólann í Kanada hafa þróað og sett fram sem mikilvæg verkfæri fyrir kennara til að skapa aðstæður sem hvetja og krefja nemendur um að hugsa og læra til skilnings. Þær voru þróaðar við kennslu í stærðfræði en hafa einnig verið notaðar við kennslu tungumála og samfélagsgreina, svo dæmi séu nefnd. Aðferðirnar lúta meðal annars að því hvers konar verkefni við leggjum fyrir nemendur, hvernig við leggjum verkefnin fyrir þau, hvar nemendur vinna að úrlausn verkefnanna, hvernig við skiptum nemendum í hópa, hvernig við röðum húsgögnum í kennslustofunni og hvernig námsmati er háttað. Vinnustofan hefst á því að þátttakendur fara í hlutverk nemenda og út frá þeirri upplifun fer fram kynning og verða gefin dæmi úr kennslu á háskóla- og framhaldsskólastigi.
Að koma sinni kennslusýn í orð
Með Guðrúnu Geirsdóttur, dósent á Menntavísindasviði Háskóla Íslands, og Margréti Sigrúnu Sigurðardóttur, dósent á Félagsvísindasviði Háskóla Íslands
Hugmyndafræði fræðimennsku náms og kennslu (SoTL) gengur
m.a. út frá því að gagnrýnin ígrundun kennara á eigin kennsluhætti og viðhorf til kennslu sé mikilvæg forsenda kennsluþróunar. Hlut af því ferli felst í því að velta fyrir sér eigin kennslusýn, koma henni í orð og geta deilt henni með öðrum formlega (t.d. í umsókn til Kennsluakademíu eða framgang í starfi) eða óformlega (t.d. í samtali við nemendur). Í þessari vinnustofu fá þátttakendur tækifæri til að vinna að skráningu sinnar kennslusýnar út frá hugmyndum og ferli sem fengið er frá Schaetti, Ramsey og Watnabe (2012).
©Kristinn Ingvarsson
Málstofur ráðstefnunnar skiptust í þrjú viðfangsefni:
Nemendamiðuð kennsla
- Raundæmi sem nýir kennsluhættir og útgáfa við Háskóla Íslands – Þröstur Olaf Sigurjónsson
- Two Case Studies on The Use of Place-Based Education and Arts-Based Methodologies for Teaching in Higher Education – Jessica Aquino
- Verkþættir með leiðsagnarmati – Ásdís Helgadóttir
- „Hafði á tilfinningunni að henni væri umhugað um að maður lærði.“ Hvaða þættir hafa áhrif á upplifun nemenda af umhyggju kennara og myndun tengsla milli kennara og nemenda í netheimum – Ásta Bryndís Schram, Sigurbjörg Jóhannesdóttir og Sigurbjörg Sigurgeirsdóttir
Vendikennsla og sjálfstætt nám
- Kennslumyndbönd í stærðfræðigreiningu III – Sigurður Örn Stefánsson
- Fjöldakennsla í tölfræði – Reynslan af innleiðingu opins hugbúnaðar og myndbanda – Kári Kristinsson
- Forkröfunámskeið og sjálfsnám í lífvísindum á ensku – Jens G. Hjörleifsson og Snædís Huld Björnsdóttir
- Samskipti og tengsl kennara og nemenda – Ragný Þóra Guðjohnsen
Kennsla eftir COVID
- Kennsluhættir á Menntavísindasviði Háskóla Íslands – Sigurbjörg Jóhannesdóttir, Svava Pétursdóttir og Tryggvi Brian Thayer
- Tilraunir með heima- og staðpróf undanfarin ár – Benjamín Ragnar Sveinbjörnsson
- Þróun nýrra kennsluhátta í uppeldis og menntunarfræði – Hrund Þórarins Ingudóttir og Aldís Garðarsdóttir
- Hvernig höldum við áfram eftir COVID-19 heimsfaraldurinn? Sjá nemendur við Lyfjafræðideild HÍ rafræna kennslu sem hluta af framtíðarnámsumhverfi sínu? – Berglind Eva Benediktsdóttir og Helga Helgadóttir
Eftirfarandi voru aðalfyrirlestrar ráðstefnunnar:
- Tengslamyndun nemenda í COVID, Anna Helga Jónsdóttir, dósent í raunvísindadeild Háskóla Íslands.
- Kennsla í COVID – reynsla kennara á Félagsvísindasviði og Hugvísindasviði, Matthew Whelpton, Kennsluþróunarstjóri Hugvísindasviðs, prófessor við mál og menningardeild Háskóla Íslands.
- Að vera nemandi í fjarnámi, Salvör Káradóttir, grunnnemi í líftækni við Háskólann á Akureyri.
Auk aðalfyrirlesara tóku Isabel Alejandra Díaz, forseti SHÍ, og Guðrún Geirsdóttir, dósent og deildarstjóri Kennslumiðstöðvar Háskóla Íslands, þátt í pallborðsumræðum. Sean Michael Scully, aðjunkt á Viðskipta- og raunvísindasviði Háskólans á Akureyri, stjórnaði umræðunum.
Þátttakendur gátu valið um eftirfarandi vinnustofur:
Teymisnám (Group based learning) – Tómas Philip Rúnarsson, prófessor við Iðnaðarverkfræði- vélaverkfræði- og tölvunarfræðideild Háskóla Íslands.
Teymisnám (e. team-based learning) er kennsluaðferð sem byggir á samvinnu nemenda. Teymisnám felur í sér leiðbeinandi nám (e. direct instruction), vendinám (e. flipped classroom) og virkt nám (e. active learning). Eins og nafnið gefur til kynna samanstendur teymisnám af litlum nemendateymum sem vinna einstaklingsverkefni fyrir tímann og teymisverkefni í kennslustund. Teymismeðlimir geta dregið nemendur til ábyrgðar, veitt endurgjöf, stuðning og hvatningu (e. cooperative, collaborative, peer learning). Í vinnustofunni verður farið yfir ólík þrep teymisnáms sem eru endurtekin fimm sinnum eða oftar á önninni, allt eftir fjölda námslota. Þar sem aðferðin er ólík hefbundnum kennsluaðferðum mætir hún ýmsum áskorunum kennara og nemenda sem við munum einnig taka fyrir á vinnustofunni.
Að virkja nemendur í fyrirlestrum – Margrét Sigrún Sigurðardóttir, dósent við Viðskiptafræðideild Háskóla Íslands.
Finnst þér orðið erfiðara að virkja nemendur í kennslustundum eftir COVID?
Rannsóknir hafa sýnt að nemendur læra meira ef þeir taka virkan þátt í náminu. En það að virkja nemendur í fyrirlestra-aðstæðum er ekki alltaf einfalt, sérstaklega í kennslu stórra námskeiða. Í vinnustofunni munum við ræða hvernig við getum undirbúið kennslu með það fyrir augum að auka þátttöku nemenda í fyrirlestrum.
Að virkja nemendur í fjarnámi – Eva Marín Hlynsdóttir, prófessor við Stjórnmálafræðideild Háskóla Íslands.
Oft er bent á að fjarnám sé ekki til þess fallið að stuðla að virkni nemenda eða góðum samskiptum við þá eða þeirra á milli. Í vinnustofunni verður farið yfir nokkrar leiðir sem hægt er að fara til að eiga í góðum samskiptum við nemendur og stuðla að tengslamyndun þeirra á milli í fjarnámsumhverfi. Vinnustofan verður í formi stuttrar kynningar og umræðu en megináherslan er lögð á samræðu um lausnir fyrir ólíka nemendahópa.
Ágripin geta fjallað um hvou tveggja rannsókn sem kennarar hafa gert á eigin kennslu eða lýsing á nýjungum, breytingum eða áskorunum í kennslu og hvernig kennari tókst á við verkefnið
Hér má finna upplýsingar um ágrip og hér má sjá
a) sniðmát um ágrip á pdf formi og b) sniðmát á word-formi
Þessir þrír punktar verða að koma skýrt fram í ágripinu:
- Hvert var vandamálið?
- Hver var möguleg lausn?
- Hver var útkoman?
Ágripin mega vera 800-1000 orð, en samþykkt ágrip verað birt hér á vefnum að ráðstefnu lokinni.
Tekið er á móti ágripum í gegnum netfang Kennsluakademíunnar (kennsluakademia@hi.is).
Ráðstefnan árið 2023 var haldin föstudaginn 26. maí 2023 kl. 10:00-16:00 í Veröld – húsi Vigdísar í samstarfi við Verkfræði- og náttúruvísindasviði Háskóla Íslands. Sjá efni frá ráðstefnu hér fyrir neðan.